Breaking News

గుంటూరు టీచర్స్ కాలనీలో భారీ అగ్నిప్రమాదం

గుంటూరు నగర శివారులోని ఇన్నర్ రింగ్ రోడ్డు సమీపంలో గల టీచర్స్ కాలనీలో 21 మే 2026 గురువారం ఉదయం భారీ అగ్నిప్రమాదం సంభవించింది.


Published on: 21 May 2026 14:53  IST

గుంటూరు నగర శివారులోని ఇన్నర్ రింగ్ రోడ్డు సమీపంలో గల టీచర్స్ కాలనీలో 21 మే 2026 గురువారం ఉదయం భారీ అగ్నిప్రమాదం సంభవించింది.

గుంటూరు నగరంలో భూగర్భ డ్రైనేజీ (UGD) పనుల కోసం తెచ్చిన ప్లాస్టిక్ పైపులను ఇన్నర్ రింగ్ రోడ్డులోని ఒక ఖాళీ స్థలంలో నిల్వ ఉంచారు.కోర్టు కేసుల కారణంగా ఈ డ్రైనేజీ పనులు నిలిచిపోవడంతో, నిర్మాణ సంస్థ (షాపూర్ జీ పల్లోంజి) గత పదేళ్లుగా ఆ పైపులను అక్కడే వదిలేసింది.సరైన నిర్వహణ లేకపోవడంతో ఆ పైపుల వద్ద భారీగా చెత్తాచెదారం పేరుకుపోయింది. గురువారం ఉదయం ఈ ప్రాంతంలో ఒక్కసారిగా మంటలు చెలరేగి పైపులకు వ్యాపించాయి. ప్లాస్టిక్ పైపులు తగలబడటంతో కిలోమీటర్ల మేర దట్టమైన నల్లటి పొగ ఆకాశాన్ని కమ్మేసింది. దీనివల్ల స్థానిక ప్రజలు, వాహనదారులు తీవ్ర ఘాటుతో ఊపిరాడక విలవిలలాడారు.సమాచారం అందుకున్న వెంటనే అగ్నిమాపక సిబ్బంది, పోలీసులు ఫైర్ ఇంజన్లతో ఘటనా స్థలానికి చేరుకుని మంటలను అదుపు చేయడానికి తీవ్రంగా శ్రమించారు.ప్రాథమిక సమాచారం ప్రకారం ఈ ప్రమాదంలో ఎలాంటి ప్రాణనష్టం జరగలేదు. పోలీసులు కేసు నమోదు చేసుకుని దర్యాప్తు చేస్తున్నారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement