ప్రముఖ ఏఐ సంస్థ ఆంథ్రోపిక్ తమ అధునాతన ఏఐ అసిస్టెంట్ 'క్లాడ్' సబ్‌స్క్రిప్షన్ ప్లాన్‌లను భారత్‌లో అధికారికంగా భారతీయ రూపాయిల్లో (INR) అందుబాటులోకి తెచ్చింది

ప్రముఖ ఏఐ సంస్థ ఆంథ్రోపిక్ తమ అధునాతన ఏఐ అసిస్టెంట్ 'క్లాడ్' సబ్‌స్క్రిప్షన్ ప్లాన్‌లను భారత్‌లో అధికారికంగా భారతీయ రూపాయిల్లో (INR) అందుబాటులోకి తెచ్చింది. అమెరికా తర్వాత భారత్ తమకు రెండో అతిపెద్ద మార్కెట్ కావడంతో ఈ నిర్ణయం తీసుకున్నట్లు సంస్థ ప్రకటించింది.

Published on: 14 Jul 2026 19:10 IST

ప్రముఖ ఏఐ సంస్థ ఆంథ్రోపిక్ తమ అధునాతన ఏఐ అసిస్టెంట్ 'క్లాడ్' సబ్‌స్క్రిప్షన్ ప్లాన్‌లను భారత్‌లో అధికారికంగా భారతీయ రూపాయిల్లో (INR) అందుబాటులోకి తెచ్చింది. అమెరికా తర్వాత భారత్ తమకు రెండో అతిపెద్ద మార్కెట్ కావడంతో ఈ నిర్ణయం తీసుకున్నట్లు సంస్థ ప్రకటించింది.

క్లాడ్ ప్లాన్‌ల ధరల వివరాలు

ఈ కొత్త ధరలలో GST కూడా కలిసి ఉంటుంది, దీనివల్ల అదనపు పన్నుల భారం ఉండదు.

Claude Pro: ఏడాది సబ్‌స్క్రిప్షన్ తీసుకుంటే నెలకు ₹2,000 పడుతుంది. ఒకవేళ నెలవారీగా చెల్లించాలనుకుంటే నెలకు ₹2,399 అవుతుంది.

Claude Max 5x: నెలకు ₹11,999 .

Claude Max 20x: నెలకు ₹23,999.

Claude Team: వ్యాపార సంస్థల కోసం ప్లాన్ ధర నెలకు ఒక యూజర్‌కు ₹2,399 నుండి ప్రారంభమవుతుంది.

ముఖ్యమైన ఫీచర్లు & పరిమితులు

రూపాయిల్లో చెల్లింపు: గతంలో డాలర్లలో ($20) చెల్లించాల్సి వచ్చేది. దీనివల్ల కరెన్సీ కన్వర్షన్ ఛార్జీలు, విదేశీ లావాదేవీల రుసుములు అదనంగా పడేవి. ఇప్పుడు నేరుగా రూపాయిల్లోనే చెల్లించవచ్చు.

యాక్సెస్: ఈ పెయిడ్ ప్లాన్ల ద్వారా యూజర్లు Sonnet 5, Opus, మరియు సరికొత్త Fable 5 వంటి అధునాతన ఏఐ మోడళ్లను యాక్సెస్ చేయవచ్చు.

UPI సేవలు లేవు: ప్రస్తుతం రూపాయిల్లో ధరలు ప్రకటించినప్పటికీ, ఇంకా UPI (గూగుల్ పే, ఫోన్ పే వంటివి) పేమెంట్లను ఆంథ్రోపిక్ ప్రారంభించలేదు.

చెల్లింపు విధానం: యూజర్లు డెబిట్/క్రెడిట్ కార్డులు లేదా యాపిల్, గూగుల్ యాప్ స్టోర్ బిల్లింగ్ సిస్టమ్స్ ద్వారా మాత్రమే డబ్బులు చెల్లించాల్సి ఉంటుంది.

దీనితో పాటు, తమ పెయిడ్ యూజర్ల కోసం 'Claude Fable 5' ఉచిత వినియోగ గడువును జులై 19, 2026 వరకు పొడిగిస్తున్నట్లు కూడా ఆంథ్రోపిక్ వెల్లడించింది.

ఇవీ చదవండి

భారతీయ రైల్వేలోని AC కోచ్‌ల నుండి రూ. 104.51 కోట్ల విలువైన 1.27 కోట్లకు పైగా బెడ్‌రోల్ వస్తువులు చోరీ

పంపా రిజర్వాయర్‌లో జారిపడి విద్యార్థి మృతి

Advertisement