నల్ల సముద్రంలో ఒక వాణిజ్య నౌకపై జరిగిన దాడిలో భారతీయ నావికుడు మర్చంట్ నేవీ సీఫేరర్ మరణించారు

నల్ల సముద్రం (Black Sea)లో ఒక వాణిజ్య నౌకపై జరిగిన దాడిలో భారతీయ నావికుడు (మర్చంట్ నేవీ సీఫేరర్) మరణించారు. మార్షల్ ఐలాండ్స్ పతాకంతో ప్రయాణిస్తున్న MV ఓమోర్ఫి (MV OMORFI) అనే కార్గో నౌకపై ఈ దాడి జరిగింది.

Published on: 25 Jul 2026 10:18 IST

నల్ల సముద్రంలో (Black Sea) ఒక వాణిజ్య నౌకపై జరిగిన దాడిలో భారతీయ నావికుడు (మర్చంట్ నేవీ సీఫేరర్) మరణించారు. మార్షల్ ఐలాండ్స్ పతాకంతో ప్రయాణిస్తున్న MV ఓమోర్ఫి (MV OMORFI) అనే కార్గో నౌకపై ఈ దాడి జరిగింది.

రష్యా ప్రాంతీయ జలాల్లో నల్ల సముద్రం గుండా ప్రయాణిస్తుండగా ఈ ప్రమాదం సంభవించింది.ఈ దాడి జూలై 18న జరగ్గా, దానికి సంబంధించిన వివరాలను భారత ప్రభుత్వం అధికారికంగా ప్రకటించింది.ఈ నౌకలో చీఫ్ ఆఫీసర్‌గా పనిచేస్తున్న సాగర్ గుప్తా అనే భారతీయ నావికుడు డ్రోన్ దాడిలో ప్రాణాలు కోల్పోయారు.ప్రమాదం జరిగిన సమయంలో నౌకలో మొత్తం 10 మంది సిబ్బంది ఉండగా, అందులో ముగ్గురు భారతీయులు. సాగర్ గుప్తా మరణించగా, మిగిలిన ఇద్దరు భారతీయులు సురక్షితంగా ఉన్నట్లు సమాచారం.

తీవ్ర ఆందోళన వ్యక్తం చేసిన భారత్

నల్ల సముద్రంలో వాణిజ్య నౌకలను లక్ష్యంగా చేసుకుని దాడులు చేయడంపై భారత విదేశాంగ శాఖ తీవ్ర దిగ్భ్రాంతి, నిరసన వ్యక్తం చేసింది. అమాయక పౌరుల ప్రాణాలను పణంగా పెట్టే ఇలాంటి దాడులను ఖండిస్తున్నామని, అంతర్జాతీయ సముద్ర ప్రయాణాల భద్రతను కాపాడాలని పిలుపునిచ్చింది. రష్యాలోని భారత రాయబార కార్యాలయం అక్కడి అధికారులతో సంప్రదింపులు జరుపుతూ బాధితుడి కుటుంబానికి అవసరమైన అన్ని సహాయసహకారాలు అందిస్తోంది.ఇదే వారంలో నల్ల సముద్రంలో 'MV గోల్డెన్ లియో' అనే మరో నౌకపై జరిగిన దాడిలో నలుగురు భారతీయ నావికులు మరణించిన సంగతి తెలిసిందే. ఈ వరుస ఘటనలు సముద్ర మార్గాల్లో ప్రయాణించే నావికుల భద్రతపై తీవ్ర ఆందోళన రేకెత్తిస్తున్నాయి.

నల్ల సముద్రంలో ఒక వాణిజ్య నౌకపై జరిగిన దాడిలో భారతీయ నావికుడు మర్చంట్ నేవీ సీఫేరర్ మరణించారు

ఇవీ చదవండి

కల్లూరు ఎస్టేట్‌లో ఉన్న దేవా అగర్‌బత్తి ఫ్యాక్టరీలో శనివారం ఉదయం భారీ అగ్నిప్రమాదం సంభవించింది.

ప్రముఖ స్మార్ట్‌ఫోన్ చిప్‌మేకర్ Qualcomm తన ప్రొసెసర్ల ధరలను భారీగా పెంచబోతున్నట్లు ఒక నివేదికలో వెల్లడించింది.

విద్యుత్ కోతల పై బీజేపీ నేతలు రాస్తారోకో

వరుణ దేవుని కటాక్షం కోసం పూజలు

Advertisement