Breaking News

జర్మనీలో జరిగిన ఘోర అగ్నిప్రమాదంలో ముగ్గురు భారతీయులు ప్రాణాలు కోల్పోయారు, మరో ఐదుగురు తీవ్రంగా గాయపడ్డారు

జర్మనీలో జరిగిన ఘోర అగ్నిప్రమాదంలో ముగ్గురు భారతీయులు ప్రాణాలు కోల్పోయారు, మరో ఐదుగురు తీవ్రంగా గాయపడ్డారు. అక్టోబర్ 13, 2026 తెల్లవారుజామున జర్మనీలోని బొచుమ్‌ నగరంలో ఉన్న ఒక బహుళ అంతస్తుల నివాస భవనంలో ఈ ప్రమాదం చోటుచేసుకుంది.


Published on: 15 Oct 2026 10:56  IST

జర్మనీలో జరిగిన ఘోర అగ్నిప్రమాదంలో ముగ్గురు భారతీయులు ప్రాణాలు కోల్పోయారు, మరో ఐదుగురు తీవ్రంగా గాయపడ్డారు. అక్టోబర్ 13, 2026 తెల్లవారుజామున జర్మనీలోని బొచుమ్‌ నగరంలో ఉన్న ఒక బహుళ అంతస్తుల నివాస భవనంలో ఈ ప్రమాదం చోటుచేసుకుంది.

మృతుల వివరాలు

మరణించిన ముగ్గురు భారతీయులు కేరళ రాష్ట్రానికి చెందినవారని సమాచారం. పొగ దట్టంగా అలుముకోవడంతో ఊపిరాడక వారు అక్కడికక్కడే మృతి చెందారు. మృతుల వివరాలు:

అంజలి షీలా జాయ్ (25 ఏళ్లు)

నోవా సాబు (27 ఏళ్లు)

సావిన్ జానీ (26 ఏళ్లు)

బొచుమ్‌లోని హోఫ్‌స్టెడ్ ప్రాంతంలో ఉన్న ఒక అపార్ట్‌మెంట్‌లో మంగళవారం తెల్లవారుజామున ఒక్కసారిగా మంటలు చెలరేగాయి. మెట్ల మార్గం గుండా మంటలు పైఅంతస్తులకు వేగంగా వ్యాపించడంతో భవనంలో ఉన్నవారు బయటకు రాలేక చిక్కుకుపోయారు. అగ్నిమాపక సిబ్బంది ఘటనా స్థలానికి చేరుకుని ఐదుగురిని రక్షించి ఆసుపత్రికి తరలించారు. అయితే భవనం రెండో, మూడో అంతస్తుల్లో చిక్కుకున్న ముగ్గురు భారతీయులు అప్పటికే ప్రాణాలు కోల్పోయారు.

హత్యగా అనుమానిస్తున్న పోలీసులు

ఇది ప్రమాదవశాత్తు జరిగిన షార్ట్ సర్క్యూట్ కాదని, ఎవరో ఉద్దేశపూర్వకంగా నిప్పు పెట్టడం వల్లే ఈ దారుణం జరిగిందని స్థానిక పోలీసులు భావిస్తున్నారు. ఈ ఘటనను హత్యగా అనుమానిస్తూ, అదే భవనంలో నివసిస్తున్న 41 ఏళ్ల రోమేనియా జాతీయుడిని పోలీసులు అదుపులోకి తీసుకుని విచారిస్తున్నారు.

Follow us on , &

ఇవీ చదవండి

ట్రెండింగ్ వార్తలు మరిన్ని

Advertisement