రష్యా రాజధాని మాస్కో లక్ష్యంగా ఉక్రెయిన్  ఒకే రోజులో 1,000 కి పైగా డ్రోన్లతో చారిత్రాత్మకమైన భీకర దాడులు నిర్వహించింది. గత ఐదేళ్ల యుద్ధంలో రష్యా భూభాగంపై జరిగిన అతిపెద్ద డ్రోన్ దాడిగా దీనిని అంతర్జాతీయ రక్షణ నిపుణులు పేర్కొంటున్నారు. అమెరికా మధ్యవర్తిత్వంతో కుదిరిన తాత్కాలిక సీజ్‌ఫైర్ (Ceasefire) విఫలమవడంతో ఇరు దేశాలు మళ్లీ పరస్పర దాడులతో విరుచుకుపడుతున్నాయి.

మాస్కో శివారు ప్రాంతాలలో జరిగిన దాడుల వల్ల ఒక భారతీయ కార్మికుడితో (Indian Worker) పాటు ముగ్గురు రష్యన్ పౌరులు మరణించారు.ఈ దాడిలో మరో ముగ్గురు భారతీయులు గాయపడటంతో రష్యాలోని భారత రాయబార కార్యాలయ అధికారులు ఆసుపత్రికి చేరుకుని సహాయక చర్యలు చేపట్టారు.రష్యా రక్షణ వ్యవస్థలు దేశవ్యాప్తంగా దాదాపు 1,054 డ్రోన్లను కూల్చివేసినట్లు ప్రకటించాయి. కేవలం మాస్కో నగరం వైపు దూసుకొచ్చిన 81 డ్రోన్లను గాల్లోనే అడ్డుకున్నట్లు అక్కడి మేయర్ తెలిపారు.

మాస్కోలోని ఒక ప్రధాన చమురు శుద్ధి కేంద్రం (Oil Refinery) సమీపంలో డ్రోన్లు పడటంతో భారీ పేలుళ్లు సంభవించి 12 మంది గాయపడ్డారు.మాస్కోలోని అతిపెద్ద విమానాశ్రయం 'షెరెమెత్యేవో' ప్రాంగణంలో డ్రోన్ శకలాలు పడటంతో సుమారు 200 విమాన సర్వీసులు రద్దు లేదా దారి మళ్లించబడ్డాయి.మాస్కో శివార్లలోని ఖిమ్కీ మైతిస్చి మరియు క్రాస్నోగోర్స్క్ లలో బహుళ అంతస్తుల నివాస భవనాలు తీవ్రంగా ధ్వంసమై మంటలు చెలరేగాయి.

రష్యా తమ నగరాలపై చేస్తున్న నిరంతర దాడులకు ఈ ప్రతీకార చర్య "పూర్తిగా సమర్థనీయమైనది" (Entirely Justified) అని ప్రకటించారు. యుద్ధాన్ని రష్యానే ముగించాలని ఆయన స్పష్టం చేశారు.దీనికి ప్రతీకారంగా రష్యా సైన్యం కూడా ఉక్రెయిన్‌లోని జపోరిజ్జియా, ద్నిప్రో, ఖేర్సన్ మరియు ఖార్కివ్ ప్రాంతాలపై క్షిపణులు, డ్రోన్లతో ఎదురుదాడి చేయడంతో 20 మందికి పైగా ఉక్రెయిన్ పౌరులు గాయపడ్డారు.

యుద్ధాన్ని ముగించేందుకు అంతర్జాతీయంగా చర్చలు జరుగుతున్న తరుణంలోనే ఈ స్థాయి భీకర దాడులు జరగడం ప్రపంచవ్యాప్తంగా ఆందోళన కలిగిస్తోంది.