కృత్రిమ మేధ (AI) సంస్థ ఆంథ్రోపిక్ ఇటీవల విడుదల చేసిన తమ అత్యంత శక్తివంతమైన మోడళ్లు ‘ఫ్యాబిల్ 5’ (Fable 5), ‘మిథోస్ 5’ సేవలను ప్రపంచవ్యాప్తంగా నిలిపివేయడం వెనుక అమెజాన్ హస్తం మరియు అమెరికా ప్రభుత్వ ఆదేశాలు ఉన్నాయని అంతర్జాతీయ మీడియా కథనాలు స్పష్టం చేస్తున్నాయి.

ఆంథ్రోపిక్ సంస్థ జూన్ 2026 మొదటి వారంలో తమ అత్యంత అధునాతన 'ఫ్యాబిల్ 5', 'మిథోస్ 5' ఏఐ మోడళ్లను మార్కెట్లోకి విడుదల చేసింది. అయితే, ఈ మోడళ్లు విడుదలైన మూడు రోజుల్లోనే జూన్ 12, 2026న ఆంథ్రోపిక్ వీటి సేవలను హఠాత్తుగా నిలిపివేసింది. అమెరికా ప్రభుత్వం విధించిన రక్షణ మరియు ఎగుమతి నియంత్రణ ఉత్తర్వుల వల్లే ఈ నిర్ణయం తీసుకోవాల్సి వచ్చింది.

ఆంథ్రోపిక్‌కు అమెజాన్ ఒక పెద్ద పెట్టుబడిదారుగా ఉంది. అయితే, ఆంథ్రోపిక్ కొత్తగా తెచ్చిన ‘ఫ్యాబిల్ 5’ మోడల్‌పై అమెజాన్ పరిశోధకులు కొన్ని ప్రత్యేకమైన పరీక్షలు నిర్వహించారు.

సైబర్ సెక్యూరిటీ లోపం: సాధారణంగా ఏఐ మోడల్స్ హ్యాకింగ్ లేదా సైబర్ దాడులకు సంబంధించిన వివరాలను యూజర్లకు చెప్పకుండా ఉండేందుకు భద్రతా ఫిల్టర్లు ఉంటాయి.

జైల్‌బ్రేక్ : అమెజాన్ పరిశోధకులు కొన్ని ప్రత్యేకమైన ప్రాంప్ట్‌లను ఉపయోగించగా, 'ఫ్యాబిల్ 5' ఆ భద్రతా నిబంధనలను దాటవేసి , సైబర్ దాడులు ఎలా చేయాలో వివరించే అత్యంత రహస్యమైన సమాచారాన్ని బయటపెట్టింది.

రంగంలోకి దిగిన వైట్ హౌస్

అమెజాన్ చీఫ్ ఎగ్జిక్యూటివ్ ఆఫీసర్ (CEO) ఆండీ జ్యాసీ ఈ విషయాన్ని నేరుగా అమెరికా ట్రెజరీ సెక్రటరీ స్కాట్ బెస్సెంట్ మరియు ఉన్నతాధికారుల దృష్టికి తీసుకెళ్లారు.

ఈ మోడల్ విదేశీయులు లేదా సైబర్ నేరగాళ్ల చేతుల్లోకి వెళ్తే అమెరికా జాతీయ భద్రతకు తీవ్ర ముప్పు వాటిల్లుతుందని ఆండీ జ్యాసీ హెచ్చరించారు.

ఈ సమాచారంతో అలర్ట్ అయిన ట్రంప్ యంత్రాంగం, జూన్ 12న ఆంథ్రోపిక్ సంస్థతో అత్యవసరంగా మాట్లాడి, విదేశీయులు (భారతదేశంతో సహా అమెరికా యేతర సిటిజన్లు) ఎవరూ ఈ మోడళ్లను వాడకుండా నిషేధించాలని ఆదేశాలు జారీ చేసింది.

భారతదేశంపై ప్రభావం

ఆంథ్రోపిక్ ఏఐ సేవలను ఉపయోగించడంలో భారతదేశం ప్రపంచంలోనే రెండో స్థానంలో ఉంది. ఈ నిషేధం కారణంగా భారత్‌లోని వేలాది మంది ఐటీ నిపుణులు, సాఫ్ట్‌వేర్ డెవలపర్లు మరియు స్టార్టప్ కంపెనీలు ఈ అధునాతన మోడళ్ల సేవలను కోల్పోనున్నారు.ఆంథ్రోపిక్ సంస్థ ఈ లోపాలను సరిదిద్ది, భద్రతా ప్రమాణాలను మరింత కఠినతరం చేసిన తర్వాతే ఈ మోడళ్లను తిరిగి అందుబాటులోకి తెచ్చే అవకాశం ఉంది.