దుబాయ్‌లోని ప్రముఖ పారిశ్రామిక ప్రాంతమైన జెబెల్ అలీ లో బుధవారం తెల్లవారుజామున కేవలం 20 నిమిషాల వ్యవధిలో వరుసగా 7 భారీ పేలుళ్లు సంభవించాయి

Published on: 05 Aug 2026 14:59 IST

దుబాయ్‌లోని ప్రముఖ పారిశ్రామిక ప్రాంతమైన జెబెల్ అలీ లో బుధవారం (ఆగస్టు 5, 2026) తెల్లవారుజామున కేవలం 20 నిమిషాల వ్యవధిలో వరుసగా 7 భారీ పేలుళ్లు సంభవించాయి. ఈ ఘటనతో ఒక్కసారిగా దుబాయ్ నగరం దద్దరిల్లింది. పేలుళ్ల తీవ్రతకు ఆకాశాన్ని దట్టమైన నల్లటి పొగ కమ్మేసింది. దుబాయ్ డౌన్‌టౌన్‌కు నైరుతి దిశలో ఉన్న వ్యూహాత్మక పారిశ్రామిక, లాజిస్టిక్స్ హబ్ జెబెల్ అలీ ప్రాంతంలో ఈ పేలుళ్లు జరిగాయి.

స్థానిక కాలమానం ప్రకారం తెల్లవారుజామున దాదాపు 2:40 గంటలకు ఈ శబ్దాలు వినిపించాయి. నివాస ప్రాంతాల సమీపంలో భారీగా మంటలు ఎగిసిపడుతున్న దృశ్యాలు, వీడియోలు సోషల్ మీడియాలో విస్తృతంగా షేర్ అయ్యాయి.

ఇది కేవలం ఒక పారిశ్రామిక ప్రమాదమా? లేదా ప్రాంతీయ ఉద్రిక్తతల (ఇరాన్ - అమెరికా ఘర్షణలు లేదా యెమెన్‌ హౌతీల మిస్సైల్ దాడి) వల్ల జరిగిందా? అనే దానిపై యూఏఈ ప్రభుత్వం ఇంకా ఎలాంటి అధికారిక ప్రకటన చేయలేదు.

ఈ ప్రమాదం జరిగిన వెంటనే భద్రతా దళాలు ఆ ప్రాంతాన్ని తమ ఆధీనంలోకి తీసుకుని సహాయక చర్యలు చేపట్టాయి. ఘటనను వీడియో తీసిన ఇద్దరు వ్యక్తులను పోలీసులు అదుపులోకి తీసుకున్నట్లు అంతర్జాతీయ మీడియా నివేదించింది.

ఇప్పటివరకు ఈ ప్రమాదంలో జరిగిన ప్రాణనష్టం లేదా ఆస్తి నష్టానికి సంబంధించిన వివరాలు వెల్లడి కాలేదు.యూఏఈ అధికారిక దర్యాప్తు సంస్థల నివేదిక వచ్చిన తర్వాతే ఈ వరుస పేలుళ్లకు అసలైన కారణం స్పష్టమవుతుంది.

ఇవీ చదవండి

ప్రముఖ సినీ నటుడు ప్రదీప్ రావత్ (74) మంగళవారం సాయంత్రం ముంబైలో కన్నుమూశారు

ప్రముఖ సినీ నటుడు ప్రదీప్ రావత్ (74) మంగళవారం సాయంత్రం ముంబైలో కన్నుమూశారు

సైబర్ స్టాకింగ్ కేసులపై అప్రమత్తమవుదాం

Advertisement