దేశ రాజధాని ఢిల్లీలోని కేంద్ర విద్యాశాఖ కార్యాలయంలో సోమవారం ఉదయం భారీ అగ్నిప్రమాదం జరిగింది

దేశ రాజధాని ఢిల్లీలోని కేంద్ర విద్యాశాఖ (Ministry of Education) కార్యాలయంలో 1 జూన్ 2026, సోమవారం ఉదయం భారీ అగ్నిప్రమాదం జరిగింది.

Published on: 01 Jun 2026 12:17 IST

దేశ రాజధాని ఢిల్లీలోని కేంద్ర విద్యాశాఖ (Ministry of Education) కార్యాలయంలో 1 జూన్ 2026, సోమవారం ఉదయం భారీ అగ్నిప్రమాదం జరిగింది. సెంట్రల్ ఢిల్లీలోని ఐటీఓ (ITO) ప్రాంతంలో గల వికాస్ మార్గ్‌లోని "స్కూల్ ఆఫ్ ప్లానింగ్ అండ్ ఆర్కిటెక్చర్" (SPA) క్యాంపస్.ఈ భవనంలోని రెండో అంతస్తులో మంటలు చెలరేగాయి. ఈ అంతస్తులో విద్యాశాఖకు చెందిన పలు కార్యాలయాలు, అధ్యాపకుల క్యాబిన్‌లు ఉన్నాయి.

సోమవారం ఉదయం సుమారు 9:37 గంటల సమయంలో అగ్నిమాపక శాఖకు సమాచారం అందింది.సమాచారం అందుకున్న వెంటనే ఢిల్లీ ఫైర్ సర్వీస్ సిబ్బంది 8 ఫైర్ ఇంజన్లతో ఘటనాస్థలికి చేరుకుని మంటలను అదుపులోకి తెచ్చారు.

ఎయిర్ కండిషనర్ (AC) లో ఏర్పడిన లోపం (షార్ట్ సర్క్యూట్) వల్లే మొదట మంటలు చెలరేగినట్లు ప్రాథమిక దర్యాప్తులో తేలింది.కార్యాలయంలో మంటలు వ్యాపించడంతో దట్టమైన పొగ అలుముకుంది. అయితే, ఈ ఘటన జరిగిన సమయంలో ఉద్యోగులు ఇంకా పూర్తిగా రాకపోవడంతో ఎవరికీ ఎలాంటి ప్రాణనష్టం లేదా గాయాలు కాలేదని అధికారులు స్పష్టం చేశారు. ప్రస్తుతం ఆస్తి నష్టంపై అధికారులు అంచనా వేస్తున్నారు.

దేశ రాజధాని ఢిల్లీలోని కేంద్ర విద్యాశాఖ కార్యాలయంలో సోమవారం ఉదయం భారీ అగ్నిప్రమాదం జరిగింది

ఇవీ చదవండి

వరుసగా రెండోసారి ఐపీఎల్ విజేతగా రాయల్ ఛాలెంజర్స్ బెంగళూరు నిలిచింది

తోటలో తల్లీకూతుళ్లు అనుమానాస్పద మృతి

Advertisement